| تليفون : 0020233478634

الأحداث

From: To:

يوم السبت كان اليوم الأول من ورشة الأطفال "لعب وفن وطيارة ورق" بالتعاون بين المؤسسة المصرية لإنقاذ التراث، ومكتبة الإسكندرية مركز توثيق التراث الحضاري والطبيعي، ومجموعة تراث للحفاظ والترميم - بيت يكن.

الورشة ابتدت بتعريف الأطفال المشاركين بالمكونات الاساسية للمسجد في العمارة الإسلامية والزخارف الهندسية الرائعة اللي بتزينه وبتزين منبره، وكمان عرفوا أكتر عن عناصر الطبق النجمي الإسلامي وأشكالها وأسمائها، دا خلاهم يقدروا يتعرفوا عليها من أي تصميم هندسي أتقدم لهم بعد كدة.

وكان لازم يزوروا الأماكن الأثرية اللي فيها الزخارف دي، يشوفوها ويعرفوا حكايتها ويعرفوا إزاى إتطورت، فزرنا بيت الرزاز والجامع الأزرق في شارع باب الوزير. بعد كدة الأطفال شافوا إزاى الطيارة الورق بتتصنع من خلال فيلم قصير، ودا كان شيء جديد بالنسبة لهم لأن الطيارات الورق اللي اتعودوا يلعبوا بيها دايما كانت بتوصل لإيديهم جاهزة.

أستنونا بكرة عشان تشوفوا الطيارة الورق بعد ما اتزينت بالزخارف الهندسية الإسلامية وازاى الأطفال عملوها بنفسهم مع المدربين.

المذيد